Sprova e parë për një roman horror në shqip

IDEJA E TOTAL- it NË NJË ROMAN HORROR

(Duke e lexuar romanin "Total horror" të autorit Xhemajl Sadriu, botoi: "Ura", Gjilan 2003)

Sprovën e parë të romanit horror në shqip, lexuesi shqiptar ka mundësi ta lexoj tash së fundi, një horror i shkruar nga një autor shqiptar që jeton në Zvicër. Autori është Xhemajl Sadriu, i cili ka botuar romanin me titull provokues "Total horror".  "Total horror", është në të vërtetë drama trishtuese e individit në këtë jetë, që sipas autorit, s´është gjë tjetër pos horror, fund e krye. Xhemajl Sadriu me sukses ka arritur të krijoj një roman, jashtë të gjitha skemave ndikuese të tipeve të romaneve, të krijoj një hero të trishtuar nga jeta, jo si Frankenshtein-i i Alfred Hitchcok-ut  (Frankenshtein-dijetar që krijoi një njeri artificial, hero i romanit të shkrimtares angleze Mary Shelley  (1797-1851), por një hero hazard shqiptar (Adriani), që bart nëpër botë një trishtim të kamotshëm duke dashur të thotë se nuk ka asnjë vend, as  të  imagjinuar, që nuk shkelë këmbë e djallit.   

Adriani, është një djalë, emigrant në Zvicër, i cili, për derisa po merrte vetën, pas një aksidenti të panjohur, papritmas do të ndeshet në priten e djajve (satanëve), të cilët askush nuk i sheh përveç atij. Drama e vërtetë e tij nis atëherë kur të tjerët vërejnë te ai se diçka e brendshme, e padukshme dhe djallëzore i ngjanë, andaj dhe kështu, sikur në asnjë rast tjetër, lexuesi ndeshet me subjekte personazhesh krejt të veçanta dhe me situata psikologjikisht trishtuese, të ankthshme dhe pa ndonjë shpresë, deri në një shkatërrim total. Një roman përplot me skena dhe situata paradoksale, në të cilat lexuesi i ngjethtë me personazhin, sikur kacafytet me botën e skëterrshme të djallit.

Autori si duket ka dashur të jap një model të rrëfimit me trill trishtues, sipas traditës gojore shqiptare, por edhe nga përvojat e trillei,..